யாழ் மண்கும்பான்

மரண அறிவித்தல் திருமதி வைத்திலிங்கம் செல்வமணி மண்கும்பான்

2012-03-10T17:15:00.002+01:00

மலர்வு : 12 ஓகஸ்ட் 1945 உதிர்வு : 9 மார்ச் 2012

யாழ் மண்கும்பானைப் பிறப்பிடமாகவும், கொக்குவிலை வசிப்பிடமாகவும் கொண்ட வைத்திலிங்கம் செல்வமணி அவர்கள் 09-03-2012 வெள்ளிக்கிழமை அன்று காலமானார்.

அன்னார், காலஞ்சென்ற ஆறுமுகம், தங்கம்மா தம்பதிகளின் அன்பு மகளும், காலஞ்சென்ற விஸ்வலிங்கம், சிவக்கொழுந்து தம்பதிகளின் அன்பு மருமகளும்,
வைத்திலிங்கம் அவர்களின் பாசமிகு மனைவியும்
,
சந்திரன்(இலங்கை), காலஞ்சென்ற ஜெயா, இந்திரன்(இலங்கை), ரசி(இலங்கை), உதயன்(இலங்கை), விஜயன்(பிரான்ஸ்), வசந்தன்(ஜேர்மனி), ரங்கன்(இலங்கை), சதீஸ்(பிரான்ஸ்), கிருஸ்ணா(இலங்கை), சர்வா(பிரான்ஸ்) ஆகியோரின் பாசமிகு தாயாரும்,
வள்ளியம்மை - நாகேந்திரன், காலஞ்சென்ற பொன்னுத்துரை - மலர், நடராசா - ஜெம்மனி, பாலு - காலஞ்சென்ற தனம், தளையசிங்கம் - ராசத்தி, இரத்தினம் - தவம், நகேஸ் - சோமு, காலஞ்சென்ற அன்னம் - தேசியசிங்கம் ஆகியோரின் அன்புச் சகோதரியும்,
கலா(இலங்கை), பாரஸ்(இலங்கை), லோஜி(இலங்கை), குஞ்சன்(இலங்கை), மாலா(இலங்கை), வதனா(பிரான்ஸ்), சுவர்ணா(ஜேர்மனி), நிதியா(இலங்கை), கவிதா(பிரான்ஸ்), வினோதிகா(இலங்கை) ஆகியோரின் அன்பு மாமியும்,
காலஞ்சென்ற சீவரெத்தினம் - சிவபாக்கியம், கோசலட்சுமி - காலஞ்சென்ற சுப்பிரமணியம், காலஞ்சென்ற மாணிக்கவாசகர் - அன்னலட்சுமி, காலஞ்சென்றவர்களான தங்கம்மா - ஐயம்பிள்ளை ஆகியோரின் அன்பு மைத்துனியும்,
தர்சன்(இலங்கை), நிறோ, சது(பிரான்ஸ்), கௌசி, மது(இலங்கை), லக்சன்(பிரான்ஸ்), லவுதன், மயூரி, கஸ்தூரி, யானு, சரத், மதுரா, சஜீபன், வினோ, ரஜி, பவி, சியானு, சியாமினி, சங்கவி, சாம்பவி, நிகோச்(இலங்கை), விஸ்வா, விசால், ஷாலு(பிரான்ஸ்), பிரணவி, துஷாரபவினா(ஜேர்மனி), துனுசாந், திவியா, நவசாத்(இலங்கை) ஆகியோரின் அன்புப் பேத்தியும் ஆவார்.
அன்னாரின் இறுதிக்கரியைகள் 11-03-2012 ஞாயிற்றுக்கிழமை அன்று நடைபெற்று மண்கும்பான் சாட்டி மயானத்தில் பூதவுடல் நல்லடக்கம் செய்யப்படும்.
இவ் அறிவித்தலை உற்றார், உறவினர், நண்பர்கள் அனைவரும் ஏற்றுக்கொள்ளுமாறு கேட்டுக்கொள்கின்றோம்.

தகவல்

குடும்பத்தினர்

தொடர்புகளுக்கு

சந்திரன் — இலங்கை
தொலைபேசி:	+94214900851

ரஜி — இலங்கை
செல்லிடப்பேசி:	+94775470705

விஜயன் — பிரான்ஸ்
செல்லிடப்பேசி:	+33611300197

சதீசன் — பிரான்ஸ்
செல்லிடப்பேசி:	+33651326986

சர்வா — பிரான்ஸ்
செல்லிடப்பேசி:	+33651812225

வசந்தன் — ஜெர்மனி
தொலைபேசி:	+491737327903

மரண அறிவித்தல் திருமதி வைத்தியலிங்கம் செல்வமணி மண்கும்பான்

2012-03-10T16:47:00.000+01:00

காதல் பாதை

2012-03-10T10:31:00.001+01:00

கொடைக்கானலில் செருப்பு தைக்கும் தொழில் செய்து பிழைக்கும் இளைஞன் வினோ. அதே பகுதியில் பாட்டி வீட்டில் தங்கி கோடீஸ்வரர் மகள் திவ்யா கல்லூரியில் படிக்கிறார். வினோ நல்ல நடத்தைகள் திவ்யாயை ஈர்க்கிறது. இருவரும் காதல் வயப்படுகின்றனர். இவர்கள் காதலை திவ்யா தந்தை எதிர்க்கிறார். அடியாட்களை ஏவி வினோவை தீர்த்து கட்டவும் ஏற்பாடு செய்கிறார்.

காதல் ஜோடி வெளியூருக்கு தப்பி ஓடுகிறது. அவர்களை வில்லன் கூட்டம் விடாமல் துரத்துகிறது. இருவரும் தப்பினார்களா என்பது கிளைமாக்ஸ்.... ஏழை பணக்கார காதலை விறுவிறுப்பும் உயிர்ப்புமாக நகர்த்துகிறார் இயக்குனர் வியாசன். இளம் ஜோடிகளாக வினோ, திவ்யா பளிச்சிடுகின்றனர். மழையில் செருப்பு தைக்கும் கடைக்குள் ஒதுங்கும் திவ்யாவுக்கு கொலுசனிந்த காலை பார்த்த படியே மழை கோட்டை வினோ வழங்குவது கவித்துவம்.

குடிகார தந்தையை அடிக்கும் ரவுடிகளை ஆவேசமாக தாக்கி துவம்சம் செய்வது.. வீட்டில் அவருக்கு பணி விடைகள் செய்வது என பாசக்கார மகனை கண் முன் நிறுத்துகிறார். காதலியை சைக்கிளிலேயே அவருக்கு பிடித்த தாஜ்மகாலை பார்க்க ஆக்ரா அழைத்து போவது அழுத்தம். திவ்யா கொடைக்கானல் பனியில் நனைந்த மலராய் அழகு காட்டுகிறார்.

குடிகாரராக வரும் மன்சூர் அலிகான் தத்துவம் பேசி கவர்கிறார். குடியின் தீமை பற்றி அவர் பேசும் வசனங்கள் கைதட்ட வைக்கின்றன. தீப்பெட்டி கணேசன் சிரிக்க வைக்கிறார். செருப்பு தைக்கும் தொழிலாளி மேல் பணக்கார பெண் திடும் என காதல் வயப்படுவது ஒட்டவில்லை. காதலில் இன்னும் ஜீவன் ஏற்றி இருக்கலாம். ரவி சீனிவாசன் கேமரா கொடைக்கானல் அழகை அள்ளுகிறது.

எஸ்.எஸ். குமரன் பின்னணி இசை பலம்.

பேய் நடமாடுவதாக பீதி: மின் விசிறி தானாக ஓடும் அதிசயம்- வகுப்பறைக்குள் செல்ல மாணவிகள் அச்சம்

2012-03-10T09:22:00.001+01:00

ஈரோடு, மார்ச். 7-

ஈரோடு வீரப்பன்சத்திரத்தில் அரசு பெண்கள் மேல் நிலைப்பள்ளி உள்ளது. சுமார் ஆயிரம் மாணவிகள் இப்பள்ளியில் படித்து வருகிறார்கள். இந்த பள்ளியில் இப்போது திடீரென ஒரு பீதி நிலவி வருகிறது. பள்ளியில் பேய் நடமாடுவதுதான் அந்த பீதி.

இந்த கம்ப்யூட்டர்... இண்டர்நெட் காலத்தில் பேயாவது... பிசாசாவது... என்று கேட்கலாம். ஆனால், என்னை பேய் பயமுறுத்தியது... என்னை விரட்டியது... என்று அப்பள்ளி மாணவிகள் கடந்த சில நாட்களாக கூறி வருவதை நம்பாமலும் இருக்க முடியவில்லை.

பள்ளி வகுப்பறையை சில மாணவிகள் பெருக்கி சுத்தம் செய்வார்கள். இப்படிதான் ஒரு மாணவி தனது வகுப்பறையை சுத்தம் செய்து கொண்டிருந்தபோது திடீரென யாரோ ஒருவர் அந்த மாணவியின் பின்புறம் நின்றுகொண்டு தள்ளி விட்டதாம்.

திடீரென தன்னை தள்ளி விட்டதை உணர்ந்த அந்த மாணவி திரும்பி பார்க்க அங்கு யாரும் இல்லை. இதைகண்ட அந்த மாணவி வகுப்பறையில் இருந்து எடுத்தார் ஓட்டம். இந்த விஷயத்தை சக மாணவிகளிடம் அவர் சொல்ல மற்ற மாணவிகளுக்கு கிலி ஏற்பட்டது.

பள்ளி தலைமை ஆசிரியர் அறையில் மின் விசிறி உள்ளது. தலைமை ஆசிரியர் வகுப்பறைக்கு செல்லும்போது அந்த மின் விசிறியை நிறுத்தி உள்ளார். மின் விசிறியும் நிற்க... அவர் அந்த அறையை விட்டு வெளியே செல்கிறார். 5 அல்லது 10 நிடிடம் கழித்து அவர் மீண்டும் தனது அறைக்கு வரும்போது, அந்த மின் விசிறி ஓடி கொண்டிருக்கிறது.

இதை கண்ட அவருக்கும் ஒருவித படபடப்பு... மின் விசிறியை நிறுத்தி கொண்டு போனோம். ஆனால், இப்போது ஓடுகிறது... இது எப்படி? என அவருக்கும் ஒரே குழப்பம். இது பற்றி அவரும் வெளியே இந்த விஷயத்தை சொல்ல மேலும் பரபரப்பு தொற்றிக் கொண்டது.

வீரப்பன்சத்திரம் பெண்கள் மேல்நிலைப்பள்ளியில் பேய் உலா வரும் செய்தி அப்பகுதி முழுவதும் பரவி... ஈரோடு மாநகரையும் தொற்றிக் கொண்டது. பேய் நடமாட்டம் உண்டோ... பொய்யோ... வதந்தியோ... பீதியோ... எப்படி இருந்தாலும் உடனடியாக இந்த பேய்க்கு ஒரு பரிகாரம் செய்ய வேண்டும். அல்லது ஆவி விரட்டுபவரை அழைத்து வந்து இந்த பேயை விரட்டியடிக்க வேண்டும் என்று அப்பகுதி பொதுமக்கள் கேட்டுக் கொண்டுள்ளனர்.

இப்போதைக்கு அந்த பள்ளியில் எலுமிச்சை பழம் மற்றும் சில பொருட்களை வைத்து கட்டி தொங்க விட்டுள்ளனர். பல இடங்களில் மாணவிகள் வேப்பிலையையும் சொருகி வைத்துள்ளனர். இந்த பேய் நடமாட்ட பீதிக்கு உடனடியாக முற்றுப்புள்ளி வைக்க வேண்டும். அப்போதுதான் மாணவிகள் மத்தியில் அச்சம்

காதலர் வினோத்குமார் மர்ம சாவு: நடிகை அல்போன்சாவிடம் போலீசார் விசாரணை

2012-03-10T09:17:00.001+01:00

நடிகை அல்போன்சாவின் காதலர் வினோத்குமார் கடந்த 4-ந்தேதி தூக்கில் பிணமாக தொங்கினார். விருகம்பாக்கத்தில் உள்ள அல்போன்சா வீட்டிலேயே இந்த சம்பவம் நடந்தது. அல்போன்சாவும் தூக்க மாத்திரை தின்று தற்கொலைக்கு முயன்றார். அவரை வடபழனியில் உள்ள தனியார் ஆஸ்பத்திரியில் சிகிச்சைக்கு சேர்த்தனர்.

இதனால் திரையுலகில் பரபரப்பு ஏற்பட்டது. அல்போன்சா தரப்பில் வினோத்குமார் தற்கொலை செய்து கொண்டதாக கூறப்பட்டது. ஆனால் வினோத்குமார் உறவினர்கள் கொலை என்றனர். இது குறித்து விருகம்பாக்கம் போலீசார் வழக்குப்பதிவு செய்து விசாரணை நடத்தினார்கள். அல்போன்சா துபாயில் நடந்த நட்சத்திர கலைவிழாவுக்கு சென்று விட்டு சென்னை திரும்பிய மறு நாள் வினோத்குமார் இறந்தார்.

அல்போன்சாவின் முதல் கணவர் நோபிள் துபாயில் வசிக்கிறார். முதல் கணவரை அல்போன்சா சந்தித்ததாகவும் இதுபற்றி அவரிடம் கேட்டு வினோத் குமார் தகராறு செய்ததாகவும், இதுவே அவர் தற்கொலைக்கு காரணம் என்றும் தகவல் பரவியது. ஆனால் வினோத்குமாருக்கு வீட்டில் வேறு பெண் பார்த்ததாகவும் அந்த பெண்ணைத்தான் திருமணம் செய்யவேண்டும் என்று நிர்ப்பந்தித்ததால் மனம் உடைந்து தூக்கில் தொங்கியதாகவும் அல்போன்சா தரப்பினர் தெரிவித்தனர்.

இதற்கிடையில் வினோத் குமாரின் தந்தை பாண்டியன் போலீஸ் கமிஷனரிடம் தனது மகனை அல்போன்சாவும் அவரது குடும்பத்தினரும் சேர்ந்து அடித்துக்கொன்று தூக்கில் தொங்க விட்டுள்ளனர் என்று புகார் மனு அளித்தார். வினோத்குமாரிடம் பணம் கேட்டு அவர்கள் தொல்லைப்படுத்தியதாகவும் பணம் கொடுக்க மறுத்ததால் கொன்று விட்டனர் என்றும் புகாரில் அவர் தெரிவித்துள்ளார்.

அல்போன்சாவையும் அவரது தம்பி ராபர்ட்டையும் கைது செய்ய வேண்டும் என்றும் வற்புறுத்தி உள்ளார். வினோத்குமார் சாவு குறித்து அல்போன்சாவிடம் விசாரணை நடத்த போலீசார் முடிவு செய்தனர். தற்போது ஆஸ்பத்திரியில் இருந்து அவர் டிஸ்சார்ஜ் ஆகி உள்ளார். இதையடுத்து அல்போன்சாவிடம் போலீசார் நேரில் விசாரணை நடத்தி வருகின்றனர். அல்போன்சா மற்றும் வினோத்குமார் செல்போன் நம்பர்களையும் ஆய்வு செய்து விவரம் சேகரித்து வருகின்றனர்.

திருமண ஏற்பாடுகள் தீவிரம்: நடிகை சினேகா சினிமாவுக்கு முழுக்கு

2012-03-10T09:11:00.001+01:00

சினேகா- பிரசன்னா திருமண ஏற்பாடுகள் நடக்கிறது. இது காதல் திருமணம் ஆகும். இருவரும் "அச்ச முண்டு அச்ச முண்டு" படத்தில் இணைந்து நடித்தார்கள். அப்போது இருவருக்கும் காதல் மலர்ந்தது. இரு வீட்டு பெற்றோரும் திருமணத்துக்கு சம்மதித்துள்ளனர். கடந்த மாதம் 14-ந்தேதி காதலர் தினத்தன்று சினேகாவும், பிரசன்னாவும் மோதிரம் மாற்றிக் கொண்டார்கள்.

திருமணத்தை மே மாதம் 11-ந்தேதி நடத்த முடிவாகி உள்ளது. சென்னை வானகரத்தில் உள்ள ஸ்ரீவாரு வெங்கடேஸ்வரா மண்டபத்தில் திருமணம் நடக்கிறது. ஒரு நாள் முன்னதாக மே 10-ந்தேதி திருமண நிச்சயதார்த்தம் நடக்கிறது. திருமணம் பற்றி வரும் வதந்திகளுக்கு முற்றுப்புள்ளி வைக்கவே திருமண தேதியை அறிவித்துள்ளதாக பிரசன்னா கூறினார்.

திருமணத்துக்கு பிறகு சினேகா சினிமாவில் நடிப்பாரா? மாட்டாரா? என்ற கேள்வி எழுந்தது. இதற்கு பிரசன்னா பதில் அளிக்கும்போது சினேகா விருப்பத்துக்கு குறுக்கே நிற்க மாட்டேன். அவர் விரும்பினால் தொடர்ந்து நடிக்கலாம் என்றார். ஆனால் சினேகா திருமணத்துக்கு பிறகு நடிக்க மாட்டார் என்று தகவல் வெளியாகியுள்ளது.

தற்போது "விடியல்", "ஹரிதாஸ்" படங்களில் நடித்து வருகிறார். ஒரு கல் ஒரு கண்ணாடி படத்தில் ஒரு காட்சியில் தோன்றுகிறார். அடுத்த மாதம் இறுதிக்குள் நடிக்க வேண்டிய படங்களை முடித்து கொடுத்து விட திட்டமிட்டு இருக்கிறார். புதுப்படங்களுக்கு எதுவும் ஒப்பந்தமாகவில்லை. திருமணத்துக்கு பின் சினிமாவை விட்டு விலகி குடும்ப பொறுப்பை ஏற்க உள்ளார்.

'கிரிக்கெட் உலகின் ஜென்டில்மேன்' ராகுல் டிராவிட் - ஆஸி. பத்திரிகைகள் புகழாரம்

2012-03-10T09:09:00.001+01:00

இந்திய கிரிக்கெட் அணியின் தடுப்பு சுவர் (வால்) என்று அழைக்கப்பட்ட ராகுல் டிராவிட் சர்வதேச போட்டிகளில் இருந்து ஓய்வு பெற்றார்.

3-வது வீரராக களம் இறங்கி டெஸ்டில் நிலைத்து நின்று விளையாடுவதால் அவர் 'சுவர்' என்று அழைக்கப்படுகிறார். 20 ஓவர் போட்டி, ஒருநாள் போட்டிகளில் இருந்து ஏற்கனவே ஓய்வு பெற்ற டிராவிட் தற்போது டெஸ்டில் இருந்தும் ஓய்வு பெற்றுள்ளார்.

கிரிக்கெட் வரலாற்றின் சகாப்தங்களில் ஒருவர் டிராவிட். டெஸ்ட் போட்டியில் அதிக ரன் எடுத்த வீரர்களில் 2-வது இடத்தில் உள்ளார். 164 டெஸ்டில் விளையாடி 13,288 ரன் எடுத்துள்ளார். ஒருநாள் போட்டியிலும் 10, 889 எடுத்துள்ளார். இதனால் அவர் சகாப்தம் என்று கருதப்படுகிறார்.

1996-ம் ஆண்டு ஜூன் மாதம் இங்கிலாந்துக்கு எதிரான லார்ட்ஸ் டெஸ்டில் அறிமுகம் ஆனார். முதல் டெஸ்டிலேயே 95 ரன் எடுத்தார். டிராவிட் களத்தில் இருந்தால் அவரை 'அவுட்' செய்வது அவ்வளவு எளிதானது அல்ல.

எவ்வளவு சோர்வு அடைந்தாலும் களத்தில் நிலைத்து நின்று ஆடக்கூடியவர். இந்திய அணி தோல்வி நிலையில் இருந்தபோது பலமுறை டிராவிட் நிலைத்து நின்று அணியை காப்பாற்றி இருக்கிறார். மேலும் அணியின் வெற்றிக்கு முக்கிய பங்கு வகித்து உள்ளார். அவர் 36 சதம் அடித்துள்ளார். இதில் 15 சதம் இந்தியாவின் வெற்றிக்கு காரணமாக இருந்தது. 17 சதம் 'டிரா' செய்ய உதவியாக இருந்தது.

இந்திய மண்ணைவிட வெளிநாட்டு மண்ணில் ராகுல் டிராவிட் மிகவும் சிறப்பாக விளையாடி உள்ளார். குறிப்பாக இங்கிலாந்து ஆடுகளங்களில் அவரது ஆட்டம் முத்திரை பதிப்பதாக இருந்தது. கடந்த ஆண்டு இங்கிலாந்து மண்ணில் 3 சதம் அடித்தார். இதே மாதிரி முன்பு ஒரு முறையும் 3 சதம் அடித்திருந்தார்.

16 ஆண்டுகள் விளையாடிய டிராவிட்டின் சகாப்தம் தற்போது முடிந்துவிட்டது. இந்திய கிரிக்கெட் வரலாற்றில் அவரது பங்களிப்பு முக்கிய இடத்தை பெற்றுள்ளது. அவரது இடத்தை நிரப்புவது மிகவும் கடினமே. இளைஞர்களுக்கு வழி விடும் வகையில் அவர் கனத்த இதயத்துடன் இந்த முடிவை எடுத்துள்ளார். 39 வயதான டிராவிட் இளம் வீரர்களுக்கு சிறந்த வழிகாட்டி (ரோல்மாடல்) என்பதில் எந்த சந்தேகமும் இல்லை.

ஆஸ்திரேலிய பத்திரிகைகள் ராகுல் திராவிட்டிற்கு 'கிரிக்கெட் உலகின் ஜென்டில்மேன்' என்று புகழாரம் சூட்டியுள்ளன.

சமூக ஆபாச படம் தயாரித்த பெண் - சி.பி.ஐ. பறிமுதல் செய்து நடவடிக்கை

2012-03-10T09:07:00.001+01:00

மத்திய பிரதேச மாநிலம் போபாலைச் சேர்ந்தவர் ஷீலா மசூத் சமூக சேவகி. இவருக்கும் அம்மாநில பா.ஜனதா துணைத் தலைவரும் எம்.எல்.ஏ.வுமான திருவ் நாராயண்சிங் என்பவருக்கும் நெருக்கமான நட்பு இருந்து வந்தது. இதேபோல் திருவ் நாராயண்சிங்குடன் போபாலைச் சேர்ந்த உள் அலங்கார நிபுணர் ஷாகிதா பர்வேஷ் என்பவரும் தொடர்பு வைத்திருந்தார்.

நாராயண்சிங் ஷீலாவுடன் பழகுவது பர்வேசுக்கு பிடிக்கவில்லை. இதனால் அவர் கூலிப்படை உதவியுடன் ஷீலாவை தீர்த்துக்கட்ட முடிவு செய்தார். இதன்படி கூலிப்படை தலைவன் சாகிப் அலி என்ற ஷியம் என்பவன் மூலம் ஷீலாவை கொலை செய்தார்.

இவ்வழக்கை விசாரித்த சி.பி.ஐ. போலீசார் ஷீலா கொலையில் ஷாகிதாவுக்கு தொடர்பு இருப்பதை கண்டு பிடித்தனர். இதையடுத்து கடந்த பிப்ரவரி 28-ந் தேதி சி.பி.ஐ. போலீசார் ஷாகிதா, ஷியாம் ஆகியோரை கைது செய்தனர்.

இந்நிலையில் சி.பி.ஐ. போலீசார் போபால் மகா ரானா பிரதாப் நகரில் உள்ள ஷாகிதா வீட்டில் அதிரடி சோதனை நடத்தினர். அப்போது ஷாகிதா, பா.ஜனதா எம்.எல்.ஏ. நாராயண்சிங்குடன் உல்லாசமாக இருப்பது போன்ற 2 ஆபாசபட சி.டி.க்கள் கிடைத்தது. அவற்றை சி.பி.ஐ. போலீசார் பறிமுதல் செய்தனர்.

இது பற்றி சி.பி.ஐ. அதிகாரிகள் கூறும் போது, இந்த ஆபாச சி.டி.யை ஷாகிதாதான் எடுத்துள்ளார். அவர் எம்.எல்.ஏ.வை மயக்கி அவருடன் உல்லாசமாக இருப்பது போல் எடுத்துள்ளார். இதே போல் அவர் 2 ஆபாச சி.டி. எடுத்துள்ளார்.

இந்த ஆபாச சி.டி.யை ஷாகிதா எதற்காக எடுத்தார் என்பது பற்றி தெரியவில்லை. ஒரு வேளை எம்.எல்.ஏ.வை மிரட்டுவதற்காக இந்த சி.டி.யை அவர் தயாரித்திருக்கலாம் என்று கருதுகிறோம். இதுவரை அவர் ஷீலாவை எதற்காக கொன்றார் என்பது மர்மமாக உள்ளது. எனவே அவரிடம் உண்மை கண்டறியும் சோதனை நடத்த திட்டமிட்டுள்ளோம்.

அவரிடம் 'பிரைன் மேப்பிங்' (மூளை படப்பிரிவு) பரிசோதனை செய்யவும் முடிவு செய்துள்ளோம். இப்பரிசோதனைகளுக்கு பிறகு இக்கொலையில் மேலும் பல்வேறு தகவல்கள் தெரியும் என்று எதிர்பார்க்கிறோம் என்றனர்.

இந்நிலையில் பா.ஜனதா எம்.எல்.ஏ. நாராயண் சிங்கிடம் 'பாலிகிராப்' பரிசோதனை நடத்த இந்தூர் சி.பி.ஐ. கோர்ட்டு அனுமதி அளித்துள்ளது. இதையடுத்து சி.பி.ஐ. போலீசார் நாராயண்சிங்கிடம் பாலி கிராப் சோதனை நடத்த திட்டமிட்டுள்ளனர்.

இப்பரிசோதனை மூலம் அவருக்கு ஷீலா கொலையில் தொடர்பு இருக்கிறதா? என்பது உறுதியாக தெரிய வரும். இவ்வழக்கில் சி.பி.ஐ. போலீசார் பல்வேறு ஆதாரங்கள் திரட்டி வருகிறார்கள். இவ்வழக்கில் ஷாகிதா தயாரித்த ஆபாச சி.டி. முக்கிய ஆதாரமாக கருதப்படுகிறது.

மேற்கு வங்காளத்தில் கற்பழிக்கப்பட்ட பெண்ணுக்கு அடுத்தடுத்து நடக்கும் கொடுமை: நிர்வாணமாக ஊர்வலம் விடப்போவதாக கிராமமே மிரட்டல்

2012-03-10T09:02:00.000+01:00

மேற்கு வங்க மாநிலம் பிர்பூம் மாவட்டத்தில் உள்ள ஒரு கிராமத்தைச் சேர்ந்த பெண் கடந்த மாதம் 5 பேரால் கற்பழிக்கப்பட்டார். கட்டுமான தொழிலாளியான அந்த பெண் வேலை முடிந்து வீடு திரும்பும் முன் இந்த கொடூர சம்பவம் நடந்தது.

இது மேற்கு வங்க மாநிலம் முழுவதும் பர பரப்பை ஏற்படுத்தியது. அரசியலிலும் இது கொந்தளிப்பை ஏற்படுத்தியது. இந்த நிலையில் கற்பழிக்கப்பட்ட அந்த பெண் சொந்தக் கிராமத்துக்காரர்களால் கொடுமைக்கு உள்ளாகி இருக்கிறார்.

இன்று காலை அவர் வீட்டிற்கு கிராம மக்கள் திரண்டு சென்றனர். உடனடியாக இந்த ஊரை விட்டு வெளியேற வேண்டும். இல்லையெனில் நிர்வாணமாக்கி கிராமம் முழுவதும் ஊர்வலமாக நடக்க விடுவோம் என்று எச்சரித்தனர்.

சிலர் அந்த பெண்ணை அடித்து உதைத்தனர். இது பற்றி அந்த பெண் போலீசில் புகார் கூறினார். அந்த பெண்ணுக்கு போலீஸ் பாதுகாப்பு அளிக்கப்பட்டுள்ளது என்றாலும் அந்த கிராமத்தில் பரபரப்பு நிலவுகிறது.

நித்திரவிளை அருகே அழகு நிலைய உரிமையாளர் ஆட்டோ டிரைவருடன் மாயம்

2012-03-09T23:51:00.001+01:00

நித்திரவிளை அருகே உள்ள கலிங்கராஜபுரத்தைச் சேர்ந்தவர் கந்தசாமி. இவர் வெளிநாட்டில் வேலை செய்து வருகிறார். இவருடைய மனைவி லதா. இவர்களுக்கு 2 பெண் குழந்தைகள் உள்ளனர். லதா தூத்துரில் அழகு கலை நிலையம் நடத்தி வருகிறார்.

சம்பவத்தன்று மாலையில் குழந்தைகளை ஒரு ஆட்டோவில் கொண்டு வந்து வீட்டில் விட்டு விட்டு மீண்டும் அதே ஆட்டோவில் சென்றவர் வீடு திரும்பவில்லை. இது குறித்து லதாவின் தாயார் சரஸ்வதி நித்திரவிளை போலீசில் புகார் செய்தார். புகாரின் பேரில் போலீசார் வழக்கு பதிவு செய்து விசாரணை நடத்தினார்கள்.

விசாரணையில் லதாவுக்கும், ஆட்டோ டிரைவர் ஒருவருக்கும் பழக்கம் இருந்தது தெரிய வந்தது. போலீசார் அந்த ஆட்டோ டிரைவரை தேடிச் சென்றனர். ஆனால் அவரையும் காணவில்லை. இதனால் லதாவும், ஆட்டோ டிரைவரும் சேர்ந்து சென்றிருக்கலாம் என தெரிகிறது. அவர்களை போலீசார் தேடி வருகிறார்கள்.

சரியான ஜோடி அமையாததால் தோற்றோம்: இலங்கை கேப்டன் ஜெயவர்த்தனே பேட்டி

2012-03-09T17:52:00.001+01:00

முத்தரப்பு கிரிக்கெட்டில் ஆஸ்திரேலியாவிடம் தோற்றதன் மூலம் இலங்கை அணி சாம்பியன் பட்டத்தை பறிக்கொடுத்தது.

இது தொடர்பாக இலங்கை கேப்டன் ஜெயவர்த்தனே கூறியதாவது:-

232 ரன்கள் எடுத்தால் வெற்றி என்ற இலக்கை நிர்ணயித்து இருந்ததால் நாங்கள் வெற்றி பெற்றுவிடுவோம் என்றே கருதினோம். ஆனால் தொடக்கத்திலேயே எங்களது 4 விக்கெட்டுகள் வீழ்ந்து விட்டன. இது எங்களுக்கு நெருக்கடியை ஏற்படுத்திவிட்டது. மேலும் இந்த ஆட்டத்தில் நிலைத்து நின்று ஆட சரியான ஜோடி அமையவில்லை.

நாங்கள் சரியாக திட்டமிட்டு விளையாடவில்லை. பேட்ஸ்மேன்கள் முழு திறமையை பயன்படுத்தி ஆடவில்லை. இதுதான் தோல்விக்கு காரணம். ஆனாலும் முத்தரப்பு கிரிக்கெட் போட்டி எங்களுக்கு நல்ல அனுபவமாக அமைந்துள்ளது. எங்கள் அணியில் இடம்பெற்ற இளம்வீரர்களுக்கு நல்ல அனுபவம் கிடைத்துள்ளது.

அடுத்த 4 ஆண்டுகளுக்கு இந்த அனுபவம் உதவுவதாக இருக்கும். இந்தியா, ஆஸ்திரேலியா இரண்டு அணியுமே முன்னணி அணிகள் ஆகும். அவர்களுடன் ஆடி நாங்களும் சிறந்த அணி என்பதை நிரூபித்து உள்ளோம்.

இவ்வாறு அவர் கூறினார்.

ஆஸ்திரேலிய கேப்டன் மைக்கேல் கிளார்க் கூறும்போது, எங்கள் அணி சிறந்த அணி என்பதை நிரூபித்து உள்ளோம். அணியில் பல வீரர்கள் காயம் அடைந்து இருந்தாலும் சிறப்பான ஆட்டத்தை வெளிப்படுத்தி இருக்கிறோம். அனைத்து வீரர்களுமே தங்கள் பங்களிப்பை சரியாக செய்தார்கள். இந்த வெற்றி வெஸ்ட் இண்டீஸ் செல்லும் எங்களுக்கு உற்சாகம் கொடுப்பதாக அமைந்துள்ளது. அங்கும் வெற்றி தொடருவோம் என்ற நம்பிக்கை உள்ளது.

இவ்வாறு அவர் கூறினார்.

கரூர் செக்ஸ் தொந்தரவு கொடுத்த கணவரை கொன்ற மனைவி

2012-03-09T10:13:00.001+01:00

கரூர் மாவட்டம் பசுபதி பாளையம் அருகேயுள்ள பி.செல்லாண்டிபாளையம் பகுதியை சேர்ந்தவர் ராஜூ (வயது 32). அப்பகுதியில் உள்ள சாயப்பட்டறையில் தொழிலாளியாக வேலை பார்த்து வந்தார். இவரது மனைவி விஜயா (28). இவர்களுக்கு ராயச்சந்திரன் (13), அருண் (11) என்ற 2 மகன்கள் உள்ளனர்.

இந்நிலையில் நேற்று இரவு வீட்டில் விஜயா தனது குழந்தைகளுடன் தூங்கி கொண்டிருந்தார். அப்போது ராஜூ, மனைவி விஜயாவை உல்லாசத்துக்கு அழைத்தார். அப்போது ராஜூ, விஜயாவிடம் ஆபாச படத்தில் வருவது போல உல்லாசமாக இருக்கலாம் என்று கூறி தொந்தரவு கொடுத்துள்ளார். இதற்கு விஜயா மறுத்துள்ளார். ஒரு கட்டத்தில் ராஜூ எல்லை மீறி சென்றதால் கணவருடன் விஜயா வாக்குவாதம் செய்தார்.

கணவனின் கொடூர ஆசைக்கு இணங்க மறுத்த விஜயா தொடர்ந்து அவரை செயலை கண்டித்தார். இதனால் தகராறு முற்றியது. ஒருவரையொருவர் தாக்கும் முயற்சியில் இறங்கினர். இதில் ஆத்திரமடைந்த ராஜூ வீட்டில் இருந்த கத்தியை எடுத்துக்கொண்டு விஜயாவை மிரட்டினார். இப்போது என்னுடன் உல்லாசத்துக்கு வராவிட்டால் குத்தி கொன்று விடுவேன் என்று விஜயாவை மிரட்டினார்.

இதனால் ஆவேசமடைந்த விஜயா, கணவர் ராஜூவை பிடித்து கீழே தள்ளினார். இதில் நிலைகுலைந்து தடுமாறி ராஜூ கீழே விழுந்தார். உடனே விஜயா, சுதாரித்து கொண்டு ராஜூவிடம் இருந்த கத்தியை பறித்து அவரது மார்பில் குத்தினார். படுகாயம் அடைந்த ராஜூ ரத்த வெள்ளத்தில் கூச்சல் போட்டு உயிருக்கு போராடி கொண்டு இருந்தார்.

இதைக்கேட்டு அக்கம் பக்கத்தினர் திரண்டு வந்தனர். கத்திக்குத்து காயத்துடன் ராஜூ அலறியதை கண்டும், கத்தியுடன் நின்ற விஜயாவை கண்டும் அவர்கள் அதிர்ச்சி அடைந்தனர். பின்னர் 108 ஆம்புலன்சுக்கு பொதுமக்கள் தகவல் தெரிவித்தனர். உடனே விரைந்து வந்த ஆம்புலன்சு பரிசோதனை டாக்டர், ஏற்கனவே ராஜூ இறந்து விட்டதாக தெரிவித்தனர்.

இந்த கொலை பற்றி தகவல் கிடைத்ததும் பசுபதி பாளையம் போலீஸ் இன்ஸ்பெக்டர் மோகன்தாஸ், சப்- இன்ஸ்பெக்டர் பிருதிவிராஜ் மற்றும் போலீசார் விரைந்து சென்று ராஜூ உடலை கைப்பற்றி பிரேத பரிசோதனைக்காக கரூர் அரசு ஆஸ்பத்திரிக்கு அனுப்பி வைத்தனர். கணவனை குத்தி கொன்ற விஜயாவை போலீசார் கைது செய்தனர். இந்த சம்பவம் அப்பகுதியில் பரபரப்பை ஏற்படுத்தி உள்ளது.

Sent from my iPhone

திருமண ஆசைகாட்டி மாணவியை கற்பழித்தார்: வாலிபருக்கு வலைவீச்சு

2012-03-09T10:06:00.001+01:00

ஆண்டிப்பட்டியில் உள்ள ஒரு பெண்கள் மேல்நிலைப் பள்ளியில் 9-ம் வகுப்பு படித்து வருபவர் கோகிலா (வயது17) (பெயர் மாற்றப்பட்டுள்ளது). இவருக்கும் மேக்கிழார்பட்டியை சேர்ந்த அன்பழகன் என்ற வாலிபருக்கும் காதல் ஏற்பட்டது. இருவரும் பல நாட்கள் காதல் வானில் சிறகடித்து பறந்தார்கள். அடிக்கடி சந்தித்து உல்லாச மாகவும் இருந்ததாக தெரிகிறது.

கோகிலாவிடம் நான் உன்னைத்தான் திருமணம் செய்வேன் என்று ஆசைவார்த்தைகள் கூறி அன்பழகன் இப்படி உல்லாசமாக இருந்துள்ளார். ஒரு கட்டத்தில் கோகிலாவை திருமணம் செய்ய முடியாது என்று மறுத்துவிட்டார். இதை தொடர்ந்து கோகிலா திருமண ஆசைக் காட்டி அன்பழகன் தன்னை ஏமாற்றி கற்பழித்து விட்டதாக ஆண்டிப்பட்டி போலீசில் புகார் செய்தார். போலீசார் வழக்குப்பதிவு செய்து தலைமறைவான அன்பழகனை தேடிவருகிறார்கள்.

இன்டர்நெட்டில் என் பெயரில் மோசடி: காஜல் அகர்வால் ஆவேசம்

2012-03-09T10:00:00.001+01:00

நடிகர் நடிகைகள் உள்ளிட்ட பிரபலங்கள் இன்டர் நெட்டில் பேஸ்புக், டுவிட்டர் போன்ற சமூக வளைத் தளங்களை பயன்படுத்துகின்றனர். தங்களை பற்றிய விவரங்கள், போட்டோக்கள் போன்றவற்றை அவற்றில் போட்டு வைத்து ரசிகர்கள் மற்றும் நலம் விரும்பிகளுடன் தொடர்பு வைத்து கருத்து பரிமாறிக் கொள்கிறார்கள். இதனை சில சமூக விரோத கும்பல் மோசடியாகவும் பயன்படுத்துகின்றனர்.

நடிகர், நடிகைகள் பெயரில் போலி அக்கவுண்ட் துவங்கி ரசிகர்களுடன் அவர்கள் பேசுவது போல் தொடர்பு வைத்துள்ளார்கள். பல நடிகைகள் இதனால் பாதிக்கப்பட்டு உள்ளனர். தற்போது காஜல் அகர்வால் பெயரிலும் டுவிட்டரில் மோசடி நடக்கிறது. காஜல்அகர்வால் படங்களை அதில் போட்டு வைத்து ரசிகர்களுடன் காஜல்அகர்வால் பேசுவது போல் மோசடி கும்பல் பேசி வருகின்றனர்.

ஆபாச கேள்விகளுக்கு பதில் சொல்வது போன்றும் கருத்துக்களை பதிவு செய்துள்ளனர். ஆயிரக்கணக்கான ரசிகர்கள் அதை உண்மை என்று நம்பி தொடர்பு வைத்துள்ளனர். பிரபல இந்தி நடிகர் நில்நிதின் முகேஷம் இது போல் தொடர்பு கொண்டு ஏமாந்துள்ளார். இது குறித்து காஜல் அகர்வால் கவனத்துக்கு கொண்டு வரப்பட்டதும் ஆவேசம் அடைந்தார்.

அவர் கூறியதாவது:-டுவிட்டர், பேஸ் புக் போன்ற சமூக வளைத்தளங்களில் நான் இல்லை. ஆனால் எனது பெயரை போலியாக பயன்படுத்தி மோசடி நடிக்கிறது. மோசடி நபர்கள் மீது கடும் நடவடிக்கை எடுப்பேன். அவர்கள் யார் என்பதை கண்டு பிடிக்க முயற்சித்து வருகிறோம்.

இவ்வாறு காஜல் அகர்வால் கூறினார்.

காமெடி படங்களே ஜெயிக்கும் - நடிகர் விவேக்

2012-03-09T09:56:00.001+01:00

புதுமுகங்களை வைத்து டி.எஸ். திவாகர் இயக்கும் கஞ்சா கூட்டம் படத்தின் பாடல் சி.டி. வெளியிட்டு விழா வடபழனி பிரசாத் லேப் தியேட்டரில் நடந்தது. காமெடி நடிகர் விவேக் இதில் பங்கேற்று பாடல் சி.டி.யை வெளியிட்டு பேசியதாவது:-

தமிழ் பேசும் தமிழச்சிகள் கஞ்சா கூட்டம் படத்தில் நாயகிகளாக நடித்திருப்பது சந்தோஷமாக இருக்கு. கதாநாயகர்களும் நம்ம மண்ணுக்காரங்கதான். அவர்களை எல்லோரும் உற்சாகப்படுத்தனும். சின்னதா ஆரம்பிச்ச படங்கள் பெரிய லெவலுக்கு போய் வசூலை கொட்டி இருக்கு. நிறைய செலவு செய்து எடுத்த படங்கள் கீழே விழுந்திருக்கு.

எனவே புதுமுகங்கள் நடிச்ச படம்னு எதையும் ஒதுக்க முடியாது. திறமை எங்கிருந்தாலும் வரவேற்பது தமிழன் பண்பு. எந்த மொழி, எந்த இனம் என்றெல்லாம் பாகுபாடு பார்க்காமல் பாராட்டுவான். முன்பெல்லாம் ஒரு படத்தை 4 தியேட்டரில் திரையிட்டு 100 நாட்கள் ஓட்டுவார்கள். இப்ப ஒரு படத்தை 100 தியேட்டரில் திரையிட்டு 4 நாட்கள் ஓட்டுறாங்க.

சினிமா ரேஸ்மாதிரி அது சுத்திக்கிட்டே இருக்கனும் 50-வது நாள் வெள்ளி விழா 100-வது நாள் விழா என்றெல்லாம் போஸ்டர் ஒட்டி கொண்டாடனும் அப்ப தான் சினிமா செழிப்பா இருக்கும். இன்றைக்கு பெரிய ஹீரோக்கள் படங்கள் ஹிட்டாகும் என்பதற்கு உத்தரவாதம் இல்லை. சிறு பட்ஜெட் படங்கள் வெற்றி பெறாது என்றும் சொல்ல முடியாது.

நல்ல கதையும், காமெடியும் இருந்தால் படம் ஜெயிச் சிடும். தமிழ் சினிமாவின் சூப்பர் ஸ்டார் ரஜினி அதுபோல் இன்னொரு மறைமுக சூப்பர் ஸ்டாரும் இருக்கார். அதுதான் திருவாளர். நகைச்சுவை, காமெடி படத்தில் இருந்தால் கண்டிப்பாக ஹிட்டாகும். சினிமாவில் கஷ்டப்பட்டா நிச்சயம் ஜெயிக்கலாம். ஏ.வி.எம். ஸ்டூடியோ வாசலில் சுற்றிக் கொண்டிருக்கிற உருண்டையை பார்த்து நாம் இந்த ஸ்டூடியோவுக்குள் நுழைய முடியுமா என்று ஏங்கியவர் பாலச்சந்தர் அவர்தான் தாதா சாகேப் பால்கே அவார்டை பெற்றார். எனவே எவ்வளவு கஷ்டம் வந்தாலும் தளராமல் தொடர்ந்து போராடினால் சினிமாவில் ஜெயிக்கலாம். இ

வ்வாறு அவர் பேசினார்.

விநியோகஸ்தர் சங்க தலைவர் கலைப்புலி சேகரன் பேசும் போது தியேட்டர்களில் சினிமா டிக்கெட் கட்டணத்தை குறைக்க வேண்டும் என்று வற்புறுத்தினார். முன்னாள் எம்.பி. செந்தில், இயக்குனர்கள் மு.களஞ்சியம், ராதாரவி, நடிகை லியாஸ்ரீ கஞ்சா கூட்டம் பட நடிகர்கள் லங்கா, வினோ, ஸ்ரீதேவி, ஷக்தி, டிக்சன், தயாரிப்பாளர்கள் விஜயகுமாரி, குமரன், பாலாஜி, பெரியசாமி உள்ளிட்டோர் பங்கேற்றனர்.

ஹோலி கொண்டாட்டத்தில் தகனமேடை அமைத்து வாலிபர் உயிருடன் எரிப்பு

2012-03-09T09:50:00.000+01:00

வட மாநிலங்களில் நேற்று ஹோலி பண்டிகை உற்சாகமாக கொண்டாடப்பட்டது. ஆண்களும், பெண்களும் ஒருவர் மீது ஒருவர் கலர் பொடி பூசியும், கலர் தண்ணீரை பீய்ச்சி அடித்தும் கொண்டாடினார்கள். ஜார்க்கண்ட் மாநிலத்தில் ஹோலி கொண்டாட்டம் வாலிபர் உயிரைப் பறித்தது.

அங்குள்ள சாத்ரா மாவட்டம் காசியாதிக் என்ற கிராமத்தில் ஹோலி பண்டிகையை யொட்டி கிராம மக்கள் ஒன்று கூடி ஹோலி தகனம் என்ற நிகழ்ச்சிக்கு ஏற்பாடு செய்தனர். இதற்காக ஊருக்கு மத்தியில் தகன மேடை அமைத்து அதில் விறகு கட்டைகளை போட்டு எரித்தனர். அப்போது குட்டு யாதவ் என்ற 20 வயது இளைஞர் ஹோலி தகனம் நிகழ்ச்சியை வேடிக்கை பார்க்கச் சென்றார்.

அங்கு நெருப்பு ஜூவாலையுடன் உயரமாக எரிந்து கொண்டு இருந்தது. திடீர் என்று கிராமவாசிகள் 4 பேர் வாலிபர் குட்டு யாதவை எரியும் நெருப்புக்குள் தள்ளி விட்டனர். இதில் அவர் உடல் முழுவதும் எரிந்து சாம்பலானார். இந்த சம்பவம் பற்றி கேள்விப்பட்டதும் சாத்புராவில் இருந்து போலீசார் விரைந்து சென்று விசாரணை நடத்தினார்கள். இது தொடர்பாக கிராம மக்கள் மீது போலீசார் வழக்குப் பதிவு செய்துள்ளனர்.

ஆனால் யாரும் கைது செய்யப்படவில்லை. மோதல் காரணமாக அவரை நெருப்பில் தள்ளி கொலை செய்தார்களா? அல்லது ஹோலி வழக்கப்படி உயிருடன் தகனம் செய்தார்களா? என்று விசாரணை நடக்கிறது.

ஆப்பிளின் ஐ-பேட் 3 அறிமுகம்: ஐ-பேட் 2 விலைக்கே கிடைக்கும்

2012-03-09T09:48:00.001+01:00

ஆப்பிள் நிறுவனத்தின் தலைவர் டிம் குக் புதிய ஐ-பேட்3யை அறிமுகப்படுத்தினார். இந்த ஐ-பேட் உயர் வரையறை தொலைக்காட்சியைவிட ( HD TV) 4 மடங்கு வேகமாகவும் 3டி திறனும் கொண்டுள்ளது. இதன் மூலம் ஐ-பேடில் 3டி விளையாட்டுக்கள் விளையாடும் வசதி ஏற்படுத்தப்பட்டுள்ளது. இதில் படங்களை மிகத்தெளிவாகவும், துல்லியமாகவும் பார்க்க முடியும்.

ஆப்பிள் ஐ-பேட்-3 ன் சிறப்பு அம்சங்கள்:

* 5 மெகா பிக்சல் கேமரா

* 2084x1536 ரெசொல்யூஷன்

* ரெட்டினா டிஸ்ப்ளே கொண்ட திரை

* 40 இன்ச் தொலைக்காட்சியைவிட துல்லியமான திரை

* 3டி விளயாட்டுக்கள்

* 4G மொபைல் நெட்வொர்க்குகள்

இந்த ஐ-பேட்கள் 16ஜிபி மெமரியிலிருந்து கிடைக்கும். மேலும் இதில் இணையத்திற்கு மட்டுமேயான பிரத்யோக வை-பை வசதியை கொண்டுள்ளது.

இந்த ஐ-பேட் வரும் மார்ச் 16 முதல் அமெரிக்கா, ஜெர்மனி, பிரான்ஸ்,பிரிட்டன் மற்றும் கனடா ஆகிய நாடுகளில் விற்பனைக்கு வரும். 16 ஜிபி மெமரி கொண்ட இந்த ஐ-பேட், 499 அமெரிக்க டாலர்களுக்கு விற்கப்படும்.

கடந்த வருடம் அறிமுகம் செய்யப்பட்ட ஐ-பேட் 2-யின் அதே விலையில் ஐ-பேட்- 3யும் கிடைக்கும் என கூறப்படுகிறது. கடந்த ஆண்டில் ஆப்பிள் நிறுவனம் 9.25 மில்லியன் ஐ பேட்களை விற்பனை செய்துள்ளது குறிப்பிடத்தக்கது. இந்தியாவில் இந்த ஐ-பேட் 3 விரைவில் விற்பனைக்கு வரும் என்று எதிர்பார்க்கப்படுகிறது.

சேலம் கோவிலில் இரவு நேரத்தில் அம்மன் அழும் சத்தத்தால் பரபரப்பு

2012-03-09T06:02:00.001+01:00

சேலம் அம்மாப்பேட்டையில் ஸ்ரீராமலிங்க சவுடேஸ்வரி அம்மன் கோவில் உள்ளது. இந்த கோவிலுக்கு அம்மாப்பேட்டை மற்றும் இதையொட்டி உள்ள பகுதிகளில் வசிப்பவர்கள் சாமியை வணங்கி செல்வார்கள். இந்த கோவிலில் திருப்பணி நடந்து வந்தது. திடீரென இந்த திருப்பணி நடக்கவில்லை. இந்த திருப்பணி நடத்த பல ஏற்பாடுகள் செய்யப்பட்டு வருகிறது. இந்த நிலையில் ஸ்ரீராமலிங்க சவுடேஸ்வரி அம்மன்கோவிலில் இரவு நேரத்தில் அம்மன் அழும் சத்தமும், உர் உர் என்ற சத்தமும் கேட்கிறது.

இதை கேட்டு அக்கம் பக்கம் வசிப்பவர்கள் அதிர்ச்சி அடைந்தனர். பின்னர் அவர்கள் இதுபற்றி கோவில் நிர்வாகிகளிடம் தெரிவித்தனர். அவர்களும் வந்து பார்த்து அதிர்ச்சி அடைந்தனர். நேற்று இரவும் இந்த சத்தம் கேட்டது. இதை அறிந்த திரளான பொதுமக்கள் கோவிலுக்கு வந்து இந்த சத்தத்தை கேட்டனர். பின்னர் அவர்கள் கோவில் முன் கற்பூரம் ஏற்றி சாமியை வணங்கி சென்றனர். கோவிலில் ஏன் இந்த சத்தம் கேட்கிறது என இந்த பகுதியில் வசிக்கும் ராஜன், சாந்தி மற்றும் பொதுமக்கள் பலர் கூறியதாவது:-

இந்த கோவிலை தெலுங்கு தேவாங்கர் சமூகத்தினர் பயன்படுத்தி சாமியை வணங்கி வருகிறார்கள். கோவிலில் ஸ்ரீராமலிங்க சவுடேஸ்வரி அம்மன் உள்ளது. இந்த கோவிலில் கடந்த 8 ஆண்டுக்கு முன் ராஜகோபுரம் கட்டத்தொடங்கினர். பின்னர் இந்த பணி நின்று விட்டது. நின்று போன கோவில் திருப்பணியை கடந்த ஒன்றரை ஆண்டுகளுக்கு முன் மீண்டும் புதிய நிர்வாகிகள் மூலம் திருப்பணி தொடர்ந்து நடந்தது.

கடந்த ஒரு வாரமாக ஏதோ ஒரு காரணத்திற்காக பணிகள் நிறுத்தப்பட்டு விட்டது. இதனால் தான் கோவிலில் அம்மன் அழும் சத்தமும், நீண்ட மூச்சு வாங்குவது போன்ற சத்தமும் கேட்கிறது. சில நேரத்தில் சலங்கை சத்தமும் கேட்கிறது. இந்த சத்தம் கேட்காமல் இருக்க வேண்டும் என்றால் தடைப்பட்டுள்ள திருப்பணி மீண்டும் நடக்க வேண்டும். திருப்பணி தடைப்பட்டதால் தான் அம்மன் ஆவேசப்பட்டு அழுகிறார் என்றும் நாங்கள் நம்புகிறோம். உடனே திருப்பணி தொடங்கி கோவிலில் கும்பாபிசேகம் செய்ய வேண்டும்.

இவ்வாறு அவர்கள் கூறினர்.

சேலம் அம்மாப்பேட்டை ஸ்ரீராமலிங்க சவுடேஸ்வரி அம்மன் கோவிலில் நேற்று இரவு 10 மணி அளவில் சத்தம் கேட்க தொடங்கியது. இதை அறிந்த திரளான பெண்கள் கோவில் முன் திரண்டனர். பின்னர் சிறிது நேரத்தில் இந்த சத்தம் கேட்கவில்லை. இதன் பிறகு ஒரு மணிநேரம் கழித்து சலங்கை சத்தம் கேட்டது. பிறகு சத்தம் கேட்கவில்லை. சத்தம் விட்டு விட்டு கேட்டதால் பொதுமக்களும், பக்தர்களும் கோவில் முன்புறமும், கோவில் பின்புறமும் நின்று சாமியை வணங்கினர்.

திரளான பொதுமக்கள் கோவில் முன் பூ, பழம் வைத்து வணங்கி சென்றனர். நேற்று இரவு கோவிலில் வந்த சத்தத்தை கேட்க பக்தர்கள் விடிய விடிய கோவில் முன் அமர்ந்து இருந்தனர். இதனால் அம்மாப்பேட்டை பகுதியில் பரபரப்பு ஏற்பட்டு இருந்தது. கோவிலில் சத்தம் வரும் சம்பவம் பெரும் பரபரப்பை ஏற்படுத்தி உள்ளது. இரவு நேரத்தில் மட்டும் இந்த சத்தம் வருவதால் கோவிலுக்குள் பறவை ஏதும் இருக்குமோ என எண்ணிய பக்தர்கள் கோவில் முழுவதும் சுற்றி பார்த்தனர்.

ஆனால் பறவை ஏதும் இல்லை. திருப்பணி செய்ய கோவில் முழுவதும் தென்னை மட்டை கட்டப்பட்டுள்ளது. இதில் ஏதும் பறவை இருக்குலாம் என கருதிய பக்தர்கள் தென்னை மட்டைகளை தட்டி பார்த்தனர். இதிலும் எந்த பறவையும் இல்லை. இரவு நேரத்தில்மட்டும் எப்படி சத்தம் வருகிறது என பொதுமக்கள் பரபரப்பாக பேசிக்கொள்கிறார்கள்.

வண்ணாரப்பேட்டையில் வீட்டில் தனியாக இருந்த மாணவியை கற்பழிக்க முயற்சி: மளிகை கடைக்காரர் கைது

2012-03-08T23:04:00.001+01:00

சென்னை வண்ணாரப்பேட்டை செல்வ விநாயகர் கோவில் தெருவைச் சேர்ந்தவர் நந்தகுமார். இவரது மகள் அமிர்தா (வயது 16). (இருவரின் பெயரும் மாற்றப்பட்டுள்ளது). அமிர்தா அப்பகுதியில் உள்ள பள்ளியில் பிளஸ்-1 படித்து வருகிறார். மாணவியின் வீட்டுக்கு அருகில் மளிகை கடை வைத்திருப்பவர் வைரம் (வயது 30). இவருக்கு மாணவி அமிர்தா மீது ஒரு கண். பள்ளி செல்லும்போதும், வீட்டுக்கு திரும்பி வரும் போதும் மாணவியை ஜாடை, மாடையாக பேசி கிண்டல் செய்து வந்தார். இந்நிலையில், நேற்று மாலை மாணவி அமிர்தா மட்டும் வீட்டில் தனியாக இருந்தார். அதை சாதகமாக பயன்படுத்திக் கொண்டு வீட்டுக்குள் புகுந்த மளிகை கடைக்காரர் வைரம், மாணவியை கற்பழிக்க முயன்றார்.

மாணவியின் அலறல் சத்தம் கேட்டு அங்கு திரண்ட பொதுமக்கள், தப்பி ஓட முயன்ற வைரத்தை மடக்கி பிடித்து தர்ம அடி கொடுத்தனர். பின்னர் போலீசுக்கு தகவல் தெரிவித்து வண்ணாரப்பேட்டை போலீஸ் இன்ஸ்பெக்டர் வீரக்குமாரிடம் வைரத்தை ஒப்படைத்தனர். வைரம் மீது கற்பழிப்பு முயற்சி மற்றும் மானபங்கம் போன்ற பிரிவுகளில் வழக்கு பதிவு செய்யப்பட்டது. பின்னர் கோர்ட்டில் ஆஜர்படுத்தி, புழல் ஜெயிலில் அடைக்கப்பட்டார்.

தேசிய விருதால் பெருமைப்படுகிறேன்: நடிகை வித்யாபாலன் பேட்டி

2012-03-08T22:57:00.001+01:00

வித்யாபாலனுக்கு சிறந்த நடிகைக்கான தேசிய விருது கிடைத்துள்ளது.

"த டர்ட்டி பிக்சர்" என்ற இந்தி படத்தில் நடித்ததற்காக இவ்விருது கிடைத்துள்ளது. இப்படம் சில்க் ஸ்மிதா வாழ்க்கை கதையை மையமாக வைத்து எடுக்கப்பட்டதாகும். தேசிய விருது கிடைத்தது பற்றி வித்யாபாலன் அளித்த பேட்டி வருமாறு:-

மகளிர் தினத்தையொட்டி எனக்கு தேசிய விருது கிடைத்ததை பெருமையாக கருதுகிறேன். என்னால் இதை நம்ப முடியவில்லை. கனவு நிஜமான மாதிரி உள்ளது. இந்த படத்தில் நடிக்க எனக்கு வாய்ப்பு அளித்த இயக்குனர் மிலன் லுத்ரியாவுக்கு நன்றி கடன்பட்டுள்ளேன். நமது நாட்டின் உயரிய விருது இது. இவ்விருதை பெற்றமைக்காக கர்வப்படுகிறேன்.

டர்ட்டி பிக்சர் படத்தில் சில்க் ஸ்மிதா வேடத்தில் நடித்தது சவாலாக இருந்தது. அவரை ஒரு செக்ஸ் நடிகையாகவே பலரும் பார்த்தனர். எனவே சில்க் வேடத்தில் நடிக்க வேண்டாம் என பலர் என்னிடம் வற்புறுத்தினர். அதை, பொருட்படுத்தாமல் நடித்தேன். உடல் ரீதியாகவும், மன ரீதியாகவும் ஒன்றி போய் நடித்தேன்.

உணர்வு பூர்வமாகவும் கேரக்டரோடு கவர்ந்தேன். இந்த படத்தின் வெற்றி நடிகைகளை ஊக்குவிப்பதாக அமைந்தது. அந்த படத்தில் உள்ளது போன்ற கேரக்டரில் நடிக்க இப்போது ஆர்வம் காட்டுகிறார்கள். இதற்கு முன் இது மாதிரி வேடங்களில் நடிக்க அவர்கள் விரும்பியது இல்லை. ஆர்ட் படங்களுக்கு தான் தேசிய விருது கிடைக்கும் எண்ணத்தை டர்ட்டி பிக்சர் படம் மாற்றியுள்ளது.

கமர்ஷியல் படங்களும் விருது பெறும் என்ற நம்பிக்கையை ஏற்படுத்தி உள்ளது. இந்த படம் ரிலீசான போது பிரச்சினைகள் ஏற்பட்டன. படத்தை ரிலீஸ் செய்ய கூடாது என கண்டனம் எழுந்தது. போலீசுக்கும் போனார்கள். ஆனால் படம் வெளியானதும் நிலைமை மாறியது.

நாடு முழுவதும் பாராட்டுகள் குவிந்தன. இப்போது தேசிய விருதும் கிடைத்துள்ளது. எனக்கு கிரீடம் கிடைத்தது போல் சந்தோஷப்படுகிறேன். இந்திய சினிமா வரலாற்றில் எனது பெயரும் பதிவு செய்யப்பட்டு உள்ளது. நிறைந்த மனதோடு இருக்கிறேன்.

இவ்வாறு வித்யாபாலன் கூறினார்.

சட்டசபையில் ஆபாச படம் பார்த்த அமைச்சர்களிடம் இன்று விசாரணை

2012-03-08T22:54:00.001+01:00

கர்நாடக சட்டசபையில் கூட்டம் நடந்துகொண்டிருக்கையில் செல்போனில் ஆபாச படம் பார்த்ததாக லக்‌ஷ்மண் சவாதி, சி.சி.பாட்டீல், ஜே.கிருஷ்ணா பாலிமர் ஆகிய 3 பா.ஜ.க. அமைச்சர்கள் மீது புகார் எழுந்தது.

இந்த விவகாரத்தை தொடர்ந்து மூன்று பேரும் தங்களது பதவியை ராஜினாமா செய்தனர். மேலும், இந்த விவகாரம் தொடர்பாக விசாரணை நடத்த 7 எம்.எல்.ஏ.க்கள் கொண்ட குழுவை சபாநாயகர் நியமித்தார்.

இந்த குழுவில் தற்போது 4 எம்.எல்.ஏ.க்கள் மட்டுமே உள்ளனர். குற்றம்சாட்டப்பட்ட மூன்று எம்.எல்.ஏக்களும் இன்று விசாரணைக்காக ஆஜரானார்கள்.

இன்று இரவு பயங்கர சூரிய புயல் பூமியை தாக்கும்: செயற்கைகோளுக்கு ஆபத்து

2012-03-08T22:52:00.001+01:00

சூரியனில் அடிக்கடி புயல் ஏற்பட்டு வருகிறது. இன்று ஏற்படும் சூரிய புயல் பூமியை தாக்கும் என்று விஞ்ஞானிகள் தெரிவித்துள்ளனர். இன்று மாலையில் தொடங்கி நாளை காலைக்குள் இது பூமியை தாக்கலாம் என்று கணித்துள்ளனர். இது சக்தி வாய்ந்த புயலாக இருக்கும். எனவே இதன் தாக்குதலால் செயற்கை கோள்கள், மின் உற்பத்தி நிலையங்கள், தகவல் தொடர்புகள் போன்றவை பாதிக்கப்படலாம்.

விமாங்களுக்கும் ஆபத்து ஏற்பட வாய்ப்பு உள்ளது என்று அமெரிக்க விஞ்ஞானிகள் கூறியிருக்கிறார்கள். 1972-ம் ஆண்டு சக்தி வாய்ந்த சூரிய புயல் ஒன்று பூமியை தாக்கியது. அப்போது அமெரிக்காவில் உள்ள இல்லினாய்ஸ் பகுதியில் தகவல் தொடர்பு சாதனங்கள் பாதிக்கப்பட்டன. இந்த புயலும் அதே போல சக்தி வாய்ந்தது என்று விஞ்ஞானிகள் தெரிவிக்கின்றனர்.

மணிக்கு 40 லட்சம் மைல் வேகத்தில் சூரிய புயல் பூமியை நோக்கி வரும் என்று கணித்துள்ளனர். விமானங்கள் பாதிக்கப்படும் வாய்ப்பு இருப்பதால் புயல் தாக்கும் வாய்ப்புள்ள பகுதி வழியாக செல்ல வேண்டாம் என விமானங்களுக்கு எச்சரிக்கை விடுக்கப்பட்டுள்ளது.

டிராவிட் இடத்தை யாராலும் நிரப்ப முடியாது: சச்சின்

2012-03-08T22:50:00.001+01:00

இந்திய கிரிக்கெட் அணியின் சுவர் என்று வர்ணிக்கப்பட்ட ராகுல் டிராவிட் சர்வதேச போட்டிகளிலிருந்து ஓய்வு பெறுவதாக தகவல்கள் வெளியாகியுள்ளன. ஏற்கனவே ஒருநாள் போட்டிகளிலிருந்து ஓய்வு பெற்றுவிட்ட டிராவிட் தற்போது டெஸ்ட் போட்டிகளில் மட்டுமே விளையாடி வந்தார். டெஸ்ட் போட்டி என்றாலே நம் நினைவுக்கு வருபவர் டிராவிட்.

இக்கட்டான போட்டிகளில் நிலையான ஆட்டத்தை வெளிப்படுத்தி அணியைக் காக்கும் டிராவிட், எதிரணிகளுக்கு சோதனை அளிப்பதில் கெட்டிக்காரர். 39 வயதான டிராவிட் ஓய்வு பெறுவது, இந்திய அணிக்கு மிகப்பெரிய இழப்பாகும் என நட்சத்திர வீரர் சச்சின் தெண்டுல்கர் கூறியுள்ளார்.

இதுபற்றி சச்சின் கூறும்போது:-

'டிராவிட்டுடன் விளையாடியது சிறந்த அனுபவம். அவரது இடத்தை யாராலும் நிரப்ப முடியாது. என்னைப் பொறுத்த வரையில் ஒரே ஒரு டிராவிட்தான். அவருக்கு யாரும் மாற்று கிடையாது. வீரர்கள் ஓய்வு அறையிலும், மைதானத்திலும் நான் டிராவிட்டை மிகவும் இழப்பதாக உணர்கிறேன்' என்றார்.

டைட்டானிக் கப்பல் மூழ்கியதற்கு சந்திரனின் அதிக ஒளிவீச்சே காரணம்: புதிய தகவல்

2012-03-07T18:57:00.001+01:00

கடந்த 1912-ம் ஆண்டு ஏப்ரல் 10-ந்தேதி இங்கிலாந்தில் உள்ள சவுத்ஆம்டனில் இருந்து அமெரிக்காவின் நியூயார்க் நகருக்கு "டைட்டானிக்" என்ற பயணிகள் சொகுசு கப்பல் புறப்பட்டு சென்றது. புறப்பட்ட 4 நாளில் அதாவது ஏப்ரல் 14-ந்தேதி வடக்கு அட்லாண்டிக் கடலில் ராட்சத பனிப்பாறையில் மோதி தண்ணீரில் மூழ்கியது. அதில் பயணம் செய்த சுமார் 1500 பேர் கடலில் மூழ்கி பலியாகினர்.

அக்கப்பல் மூழ்கி தற்போது 100 வருடம் ஆகிறது. இருந்தாலும் அதன் சோக சுவடுகள் இன்னும் மறையவில்லை. அந்த கப்பல் குறித்த தகவல்கள் கதையாகவும், சினிமா படமாகவும் வெளியாகி வருகிறது. மேலும் டைட்டானிக் கப்பல் மூழ்கியது குறித்து விஞ்ஞானிகள் தொடர்ந்து ஆய்வு மேற்கொண்டு வருகின்றனர். இந்த நிலையில், டைட்டானிக் கப்பல் மூழ்கியதற்கு சந்திரனின் அதிக ஒளி வீச்சே காரணம் என தெரிய வந்துள்ளது.

1400 ஆண்டுக்கு ஒரு முறை சந்திரன் பூமிக்கு மிக அருகில் வரும். அப்போது மிக அதிகமான ஒளி வெள்ளத்தை பாய்ச்சும். அதனால் கடல்களில் உள்ள பனிப்பாறைகள் உருகி நீர்மட்டம் அதிகரிக்கும். அவ்வாறு வீசிய ஒளியினால் தான் அட்லாண்டிக் கடலின் பனிப்பாறைகள் அதிக அளவில் உருகி வெள்ளப்பெருக்கு ஏற்பட்டுள்ளது. அளவுக்கு மீறிய வெள்ளம் மோதி உடைந்த கப்பலுக்குள் புகுந்து அது மூழ்க காரணமாக அமைந்துள்ளது என டெக்காஸ் பல்கலைக் கழகத்தின் சர்வதேச நிபுணர்கள் குழு தெரிவித்துள்ளது.

திருமணம் எப்போது? -நமீதா பேட்டி

2012-03-07T18:49:00.000+01:00

தமிழ், தெலுங்கில் முன்னணி நடிகையாக இருந்தவர் நமீதா. தற்போது தமிழில் படங்கள் இல்லை. நமீதா அளித்த பேட்டி வருமாறு:-

பில்லா படத்தில் நான் நடித்த கேரக்டருக்கு தொடர்ந்து பாராட்டுகள் வருகிறது. மீண்டும் அது போல் நடிப்பீர்களா? என்று கேட்கின்றனர். விரைவில் அதுபோல் நிகழலாம். எனக்கு திருமணம் எப்போது நடக்கும் என்று சொல்ல முடியாது. பெற்றோர் பொருத்தமான மாப்பிள்ளையை தேர்வு செய்ததும் நடக்கும்.

எனக்கு மாப்பிள்ளையாக வரக்கூடியவர் உயரமாக இருக்க வேண்டும். கறுப்பாக இருக்கலாம். அழகானவராக, பிசினஸ்மேனாக, என் மேல் அன்பு செலுத்துவதுவராக இனிமையானவராக இருக்க வேண்டும். எனது அழகு ரகசியம் யோகாவும், தியானமும் தான். 8 மணி நேரம் நன்றாக தூங்கினாலே அழகு வந்து விடும்.

இவ்வாறு நமீதா கூறினார்.

முதல்முறையாக இரட்டை வேடத்தில் ஆர்யா

2012-03-07T18:07:00.001+01:00

செல்வராகவன் இயக்கும் 'இரண்டாம் உலகம்' படத்தில் ஆர்யாவும், அனுஷ்காவும் நடிக்கின்றனர். இப்படத்தில் அனுஷ்கா இரட்டை வேடத்தில் நடிக்கிறார். இப்போது ஆர்யாவும் இப்படத்தில் இரட்டை வேடத்தில் நடிப்பதாக செய்திகள் வெளிவந்துள்ளன.

இப்படத்தின் படப்பிடிப்புகள் பெரும் பகுதி முடிவடைந்துள்ள நிலையில் இதன் இறுதிக்கட்ட படப்பிடிப்புகள் கோவாவில் நடைபெறுகிறது.

இப்படம் குறித்து ஆர்யா குறிப்பிடுகையில்,

சினிமாவில் ஜெயிக்க வேண்டுமென்றால் எலி மாதிரி வேகமாக ஓடுவது முக்கியமல்ல, ரொம்ப தூரம் ஓடிக் கொண்டே இருக்க வேண்டும். அப்பொழுதுதான் ஜெயிக்க முடியும். நான் அதேமாதிரி ஓடுவதற்கு தயாராகிவிட்டேன். இப்படத்தில் என்னுடைய கதாபாத்திரம் என்னுடைய வாழ்வில் மறக்கமுடியாததாக இருக்கும்.

என்று கூறினார்.

ரஜினிகாந்தின் அடுத்த இயக்குனர் கே.வி.ஆனந்த்?

2012-03-07T18:05:00.001+01:00

ஒளிப்பதிவாளராக தமிழ் சினிமாவில் அறிமுகமாகி இயக்குனராக உருவெடுத்தவர் கே.வி.ஆனந்த். இவர் இயக்கிய 'அயன்', 'கோ' ஆகிய படங்கள் மெஹா ஹிட்டானது. இதனால் கோலிவுட்டில் அறியப்படும் இயக்குனராக மாறினார்.

இவர் தற்போது சூர்யா நடிக்கும் 'மாற்றான்' படத்தினை இயக்கி முடித்திருக்கிறார். இப்படமும் தமிழ் ரசிகர்களிடையே மிகப்பெரிய எதிர்பார்ப்பை உண்டாக்கியுள்ளது.

இந்நிலையில் ரஜினிகாந்த் தற்போது நடிக்கவிருக்கும் 'கோச்சடையான்' படத்தை அடுத்து, அவர் நடிக்கும் படத்தை கே.வி.ஆனந்த இயக்கப்போவதாகவும், கே.வி.ஆனந்தின் கதை சொல்லும் விதம் ரஜினிக்கு மிகவும் பிடித்துள்ளதாகவும் கோலிவுட் வட்டாரங்கள் தெரிவிக்கின்றன.

இதுகுறித்து கே.வி.ஆனந்திடம் கேட்கையில், இத்தகவலை ஏற்கவோ, மறுக்கவோ இல்லை.

முன்னதாக, இவர் சங்கர் இயக்கத்தில் ரஜினி நடித்த 'சிவாஜி' படத்தில் ஒளிப்பதிவாளராக பணியாற்றியவர் என்பது குறிப்பிடத்தக்கது.

கோப்பையை வெல்வது யார்?: ஆஸ்திரேலியா-இலங்கை நாளை பலப்பரீட்சை

2012-03-07T18:01:00.001+01:00

3 நாடுகள் கிரிக்கெட் போட்டி ஆஸ்திரேலியாவில் நடைபெற்று வருகிறது. இதன் இறுதிப்போட்டிக்கு ஆஸ்திரேலியா, இலங்கை அணிகள் தகுதி பெற்றன. இந்திய அணி வெளியேற்றப்பட்டது. இறுதிப்போட்டி 3 ஆட்டங்களாக நடத்தப்படுகிறது.

பிரிஸ்பேனில் கடந்த 4-ந்தேதி நடந்த முதல் இறுதிப்போட்டியில் ஆஸ்திரேலியா 15 ரன்னிலும், அடிலெய்டில் நேற்று நடந்த 2-வது இறுதிப்போட்டியில் இலங்கை 8 விக்கெட் வித்தியாசத்திலும் வெற்றி பெற்றன.

ஆஸ்திரேலியா- இலங்கை அணிகள் மோதும் 3-வது இறுதிப்போட்டி அடிலெய்டில் நாளை (வியாழக்கிழமை) நடக்கிறது. இரு அணிகளுமே சமபலம் வாய்ந்தவை என்பதால் கோப்பையை வெல்ல கடுமையான போட்டி இருக்கும்.

ஆஸ்திரேலியாவை விட இலங்கை அணி சற்று பலத்துடன் தான் உள்ளது. அந்த அணி முதல் இறுதிப் போட்டியில் கடுமையாக போராடி தான் தோற்றது. இதேபோல நேற்றைய 2-வது இறுதிப்போட்டியில் அந்த அணி ஆஸ்திரேலியாவை எளிதில் வீழ்த்தியது.

இலங்கை அணி இதே மாதிரியான ஆட்டத்தில் தொடர்ந்து ஈடுபட்டால் அந்த அணிக்குத்தான் கோப்பை கிடைக்கும். கேப்டன் ஜெயவர்த்தனே, தில்சான், சங்ககரா, சண்டிமால், தரங்கா போன்ற சிறந்த பேட்ஸ்மேன்களும், மலிங்கா, குலசேகரா போன்ற சிறந்த பவுலர்களும் அந்த அணியில் உள்ளனர்.

நேற்றைய ஆட்டத்தில் அதிரடியாக விளையாடி சதம் அடித்த ஆஸ்திரேலிய கேப்டன் கிளார்க் காயம் அடைந்துள்ளார். இதனால் நாளைய ஆட்டத்தில் அவர் விளையாடுவது சந்தேகமே. இதனால் வாட்சன் நாளைய போட்டிக்கு கேப்டனாக பணியாற்றுவார். பேட்டின்சனும் காயத்துடன் உள்ளார். இதனால் அவருக்கு பதிலாக ஹில்பென்ஹாஸ் இடம் பெறுகிறார். இரு அணிகளும் கோப்பை கைப்பற்ற கடுமையாக போராடும் என்பதால் இறுதிப்போட்டி விறுவிறுப்பாக இருக்கும் என்று எதிர்பார்க்கப்படுகிறது.

நாளைய இறுதிப்போட்டி இந்திய நேரப்படி காலை 8.50 மணிக்கு தொடங்குகிறது. தூர்தர்சன், ஸ்டார் கிரிக்கெட் சேனல்களில் நேரடியாக ஒளிபரப்பு செய்யப்படுகிறது. இரு அணி வீரர்கள் வருமாறு:-

ஆஸ்திரேலியா: கிளார்க் (கேப்டன்), வாட்சன் (துணை கேப்டன்), வார்னர், மேத்யூ வாடே, பீட்டர் பாரஸ்ட், கிறிஸ்டியன், மைக்ஹஸ்சி, டேவிட் ஹஸ்சி, மெக்காய், ஹில்பென்ஹாஸ், டோகர்ட்டி, பெர்ட்லீ, பேட்டின்சன்.

இலங்கை: ஜெயவர்த்தனே (கேப்டன்), தில்சான், சங்ககரா, சண்டிமால், கபுகேந்திரா, உபுல் தரங்கா, திரிமானே, குலசேகரா, மெகரூப், ஹெராத், மலிங்கா, மேத்யூஸ், பெரைரா. தமிகா பிராத், வெலுகேந்திரா, செனனாயகே.

தேசிய விருது அறிவிப்பு: சிறந்த நடிகை வித்யாபாலன் - சிறந்த தமிழ் படம் வாகை சூட வா

2012-03-07T17:57:00.001+01:00

59-வது தேசிய திரைப்பட விருதுகள் டெல்லியில் இன்று அறிவிக்கப்பட்டன. சிறந்த நடிகையாக வித்யாபாலன் தேர்வு செய்யப்பட்டார். "தி டர்டி பிச்சர்ஸ்" என்ற இந்தி படத்தில் நடித்ததற்காக இந்த தேசிய விருது கிடைத்துள்ளது. சிறந்த நடிகருக்கான தேசிய விருது கிரிஷ்குல் கர்னிக்கு அறிவிக்கப்பட்டுள்ளது. சிறந்த தமிழ் படத்துக்கான தேசிய விருது வாகை சூடவா என்ற படத்துக்கு கிடைத்துள்ளது.

இந்த படத்தை சற்குணம் இயக்கி உள்ளார். சிறந்த பொழுது போக்கு படத்துக்கான தேசிய விருது அழகர்சாமியின் குதிரை என்ற தமிழ் படத்துக்கு அறிவிக்கப்பட்டுள்ளது. சிறந்த துணை நடிகருக்கான தேசிய விருது இப்படத்தில் நடித்த அப்புகுட்டிக்கு கிடைத்துள்ளது. சிறந்த படத்தொகுப்புக்கான தேசிய விருது ஆரண்ய காண்டம் என்ற தமிழ் படத்தொகுப்பாளர் பிரவீணுக்கு கிடைத்துள்ளது.

ஈரோடு வீரப்பன்சத்திரம் அரசு பெண்கள் பள்ளியில் பேய் நடமாடுவதாக பீதி: மின் விசிறி தானாக ஓடும் அதிசயம்- வகுப்பறைக்குள் செல்ல மாணவிகள் அச்சம்

2012-03-07T17:55:00.001+01:00

ஈரோடு வீரப்பன்சத்திரத்தில் அரசு பெண்கள் மேல் நிலைப்பள்ளி உள்ளது. சுமார் ஆயிரம் மாணவிகள் இப்பள்ளியில் படித்து வருகிறார்கள். இந்த பள்ளியில் இப்போது திடீரென ஒரு பீதி நிலவி வருகிறது. பள்ளியில் பேய் நடமாடுவதுதான் அந்த பீதி.

இந்த கம்ப்யூட்டர்... இண்டர்நெட் காலத்தில் பேயாவது... பிசாசாவது... என்று கேட்கலாம். ஆனால், என்னை பேய் பயமுறுத்தியது... என்னை விரட்டியது... என்று அப்பள்ளி மாணவிகள் கடந்த சில நாட்களாக கூறி வருவதை நம்பாமலும் இருக்க முடியவில்லை.

பள்ளி வகுப்பறையை சில மாணவிகள் பெருக்கி சுத்தம் செய்வார்கள். இப்படிதான் ஒரு மாணவி தனது வகுப்பறையை சுத்தம் செய்து கொண்டிருந்தபோது திடீரென யாரோ ஒருவர் அந்த மாணவியின் பின்புறம் நின்றுகொண்டு தள்ளி விட்டதாம்.

திடீரென தன்னை தள்ளி விட்டதை உணர்ந்த அந்த மாணவி திரும்பி பார்க்க அங்கு யாரும் இல்லை. இதைகண்ட அந்த மாணவி வகுப்பறையில் இருந்து எடுத்தார் ஓட்டம். இந்த விஷயத்தை சக மாணவிகளிடம் அவர் சொல்ல மற்ற மாணவிகளுக்கு கிலி ஏற்பட்டது.

பள்ளி தலைமை ஆசிரியர் அறையில் மின் விசிறி உள்ளது. தலைமை ஆசிரியர் வகுப்பறைக்கு செல்லும்போது அந்த மின் விசிறியை நிறுத்தி உள்ளார். மின் விசிறியும் நிற்க... அவர் அந்த அறையை விட்டு வெளியே செல்கிறார். 5 அல்லது 10 நிடிடம் கழித்து அவர் மீண்டும் தனது அறைக்கு வரும்போது, அந்த மின் விசிறி ஓடி கொண்டிருக்கிறது.

இதை கண்ட அவருக்கும் ஒருவித படபடப்பு... மின் விசிறியை நிறுத்தி கொண்டு போனோம். ஆனால், இப்போது ஓடுகிறது... இது எப்படி? என அவருக்கும் ஒரே குழப்பம். இது பற்றி அவரும் வெளியே இந்த விஷயத்தை சொல்ல மேலும் பரபரப்பு தொற்றிக் கொண்டது.

வீரப்பன்சத்திரம் பெண்கள் மேல்நிலைப்பள்ளியில் பேய் உலா வரும் செய்தி அப்பகுதி முழுவதும் பரவி... ஈரோடு மாநகரையும் தொற்றிக் கொண்டது. பேய் நடமாட்டம் உண்டோ... பொய்யோ... வதந்தியோ... பீதியோ... எப்படி இருந்தாலும் உடனடியாக இந்த பேய்க்கு ஒரு பரிகாரம் செய்ய வேண்டும். அல்லது ஆவி விரட்டுபவரை அழைத்து வந்து இந்த பேயை விரட்டியடிக்க வேண்டும் என்று அப்பகுதி பொதுமக்கள் கேட்டுக் கொண்டுள்ளனர்.

இப்போதைக்கு அந்த பள்ளியில் எலுமிச்சை பழம் மற்றும் சில பொருட்களை வைத்து கட்டி தொங்க விட்டுள்ளனர். பல இடங்களில் மாணவிகள் வேப்பிலையையும் சொருகி வைத்துள்ளனர். இந்த பேய் நடமாட்ட பீதிக்கு உடனடியாக முற்றுப்புள்ளி வைக்க வேண்டும். அப்போதுதான் மாணவிகள் மத்தியில் அச்சம் நீங்கும்.

Sent from my iPhone